Aragoiko Kontu Epaitegiak ekaineko topaketa teknikotik atera diren konklusioak bildu ditu. Bileretan hamabi gai aztertu ziren, horien artean kontrol erakundeetako belaunaldi aldaketa, prestakuntza teknologikoa, etikaren azterketa eta komunikazioa. Topaketan Kontuen Ganberako teknikari talde zabal batek parte hartu zuen.
Ignacio Cabeza, Kontuen Ganberako lehendakaria, Unai Hualde Parlamentuko presidentearekin bildu da gaur goizean. Bilera Hualde bere karguaz jabetu ondoren egiten ari den protokolo-bisitetako bat da.
Saioa Navarro eta Irantzu Landivar, Kontuen Ganberako teknikariak, kontrol erakundeetako gazteen topaketan parte hartzen ari dira. Topaketa Kontu Epaitegiak antolatu du Madrilen, auditoretza publikoan ari diren gazteen arteko harremanak sendotzeko. Topaketa atzo hasi eta bihar amaituko da.
Nafarroako Kontuen Ganberak Arartekoaren 2022ko kontuak aztertu ditu
Nafarroako Kontuen Ganberak Nafarroako Arartekoaren iazko kontuei buruzko txostena argitaratu du.
Txostenak gogoratzen duenez, Arartekoaren zeregina da biztanleriaren eskubideak defendatzea, bereziki administrazioen gehiegikerietatik. 2021ean handitu egin ziren erakundearen eskumenak. Batetik, bitartekaritza-lana egiteko eskubidea aitortu zitzaion; bestetik, eskaturiko informazioa bidaltzen ez duten administrazioei isunak paratzen ahal dizkie.
Kontuen Ganberako presidenteak, Ignacio Cabezak, Estatuko kontu epaitegietako ordezkarien bileran parte hartu du gaur goizean. Bilera Castilla Mantxakoaren Korteen egoitzan egin da.
Kontrol erakundeen Koordinazio Batzodearen gaurko bileran udalen energia aurrezte planak fiskalitzatzea erabaki dute. Azterketaren helburua da ikustea energia aurrezteko planak zenbateraino dauden planifikaturik Estatuko udaletan.
Irudian, kontu auzigietako ordezkariak Toledoko bilera amaitu ondoren.
Kontuen Ganberako lehendakari Ignacio Cabeza Unai Hualde Parlamentuko presidentearekin elkartu da gaur goizean, iazko kontuei buruzko txostena emateko.
Txostenak ontzat ematen ditu kontuak, ongi islatzen baitituzte ondare eta finantza egoera, eta baita 2022ko aurrekontu emaitza ere. Legezkotasunaz ere aldekoa da iritzia, Parlamentuaren kudeaketa ekonomikoa legediaren araberakoa baita.
Kontuen Ganberak Nafarroako Parlamentuaren 2022ko kontuei buruzko txostena argitaratu du.
Txostenak ontzat ematen ditu kontuak, ongi islatzen baitituzte ondare eta finantza egoera, eta baita 2022ko aurrekontu emaitza ere. Legezkotasunaz ere aldekoa da iritzia, Parlamentuaren kudeaketa ekonomikoa legediaren araberakoa baita.
Kontuen Ganberak eta Estatuko gainerako kontrol erakundeek ikasgeletako arrakala digitala murrizteko neurriak aztertuko dituzte, nork bere eremuan. Jakina denez, Pandemiari aurre egiteko banatu diren Next Generation diru-funtsen helburuetako bat zen, hain zuzen, ikasleen arteko arrakala hori murriztea, ikasle zaurgarriek ere teknologia berriak erabiltzeko aukera izan dezaten. Diru-laguntzei esker, 300.000 ikasleri eskuko ordenagailua emanen zaie, eta 240.000 ikasgeletan tresna digitalak paratuko dira.
Kontuen Ganberak Irurtzungo Udalaren 2021eko kontuei buruzko txostena argitaratu du. Txostenak udalaren kontuak ezezik, bi arloen legezkotasuna ere aztertu du: langileria eta kontratazioa.
2021ean, Irurtzungo Udalak 2,3 milioi gastatu zituen. Langileriarena da gastu nagusia: milioi bat. Ohiko ondasun eta zerbitzuetan miloi erdi gastatu zuen, inbertsioetan 400.000 euro eta ohiko transferentzietan 300.000 euro.
Kontuen Ganberako komunikazio arduradun Fermin Erbitik Vicente Madoz, el psiquiatra humanista liburua aurkeztu du gaur goizean. Liburua Pamiela argitaletxeak argitaratu du. Liburua egiteko ideia "Kontuen Ganberako topaketak" ekimenari esker sortu zen. Horren helburua da Nafarroako hainbat arlotako pertsonaiak Kontuen Ganberara eramatea. Erbitik gonbidatuei elkarrizketa bat egiten die etxeko profesionalen aitzinean.