Kontuen Ganberako lehendakari Ignacio Cabeza Parlamentuaren Mahai eta Eledunen Batzordearen aitzinean agertu da gaur goizean, heldu den urteko lan-programaren berri emateko.
Kontuen Ganberako lehendakari Ignacio Cabezak nafar udalen eta gainerako udal erakundeen egoera ona azpimarratu du. Nafarroako Gobernuak udal erakundeen finantzazioari buruz antolaturiko jardunaldi batean egin du. Jardunaldia gaur goizean egin da, Iruñeko Baluarten.
Nafarroako Kontseiluak 25. urteurrena ospatu du gaur, Nafarroako Parlamentuan. Bertan izan dira nafar agintari nagusiak, horien artean Kontuen Ganberako lehendakari Ignacio Cabeza. Carmen Calvo Estatu Kontseiluko buruak ere parte hartu izan du. Maria Chivite lehendakariak egin du hasierako hitzaldia. Amaierakoa, berriz, Una Hualde Parlamentuko presidenteak. Bi mahai-inguru antolatu dira, Kontseiluaren ibilbide eta erronkak aztertzeko. Hitzaldi nagusia Jose Luis Goñi Lanaren eta Gizarte Zegurantzarenb Zuzenbidiko katedradun eta Nafarroako Kontseiluko presidente ohiak eman du.
Kontuen Ganberak Iruñeko Udalaren 2024ko kontuei buruzko txostena argitaratu du. Udalaren finantza egoera ona dela azpimarratu du, baina funtzionamendu gastuak ohiko diru-sarrerak baino gehiago handitzen ari direla ohartarazi du.
2024an, Iruñeko Udalak eta haren erakunde autonomoek (Haur Eskolak eta Udalaren Hirigintza Gerentzia) 296 milioi gastatu eta 262 bildu zituzten.
Bihar, Iruñeko Udalari buruzko txostena argitaratuko dugu. Txostenak 2024ko kontuak aztertu eta horiei buruzko iritzia ematren du. Udalaren finantza-egoeraz ere informazio zabala emanen dugu.
Kontuen Ganberak NUPren finantza egoera ona azpimarratu du
Kontuen Ganberak Nafarroako Unibertsitate Publikoaren (NUP) iazko kontuak ikuskatu ditu. Lehen aldiz, informazio-teknologiei buruzko azterketa ere egin du.
Txostenak dioenez, NUPk iaz 134 milioi gastatu eta 139 bildu zituen. Gastu nagusia langileria da, 87 milioirekin (gastu guztien %65).
NUPk 1.354 irakasle-ikerlari ditu: 512 funtzionarioak dira, gainerakoak kontratatuak. Administrazio eta zerbitzuetan, berriz, 560 lanpostu daude, gehientsuenak funtzionarioak: 543.
Osasun Zientzien eraikin berria
Kontue Epaitegiaren eta autonomietako kontrol erakundeen arteko batzordearen bilera egin zen atzo, Santanderren. Kontuen Ganberaren izenean, Ignacio Cabeza lehendakariak parte hartu zuen.
Bileran etxebizitza babestuari buruzko fiskalizatze-lana aztertu zen. Helburua da etxebizitzaren eskubidea bermatzeko gobernuak egiten ari direna aztertzea. Nork bere esparruan eginen du lana, ondoren estatu mailako ikuspegi orokorra eskaintzeko.
Kontuen Ganberako lehendakari Ignacio Cabezak Zaragozako Unibertsitateak antolaturiko Despopulazioari buruzko III. Kongresuan parte hartu du. Atzo hasi eta bihar amaituko den kongresuan despopulazioa aztertzen ari da,hainbat ikuspegitatik, hainbat adituren testigantzarekin.
Kontuen Ganberak Erriberako hemezortzi udalerritako hiri-garbiketari buruzko txostena argitara eman du. Kontratua Erriberako Mankomunitateak esleitu zuen. Kontratuaren iazko kostua 2,8 milioi izan zen.
Txostena Nafarroako Parlamentuko Bozeramaileen Batzordearen eskaera jaso ondotik egin da. Batzordeak, PSNk eskatuta, Kontuen Ganberari eskatu zion Erriberako Mankomunitatea osatzen duten hemezortzi udalerrietatik (guztiak, Corella izan ezik) hemezortzitan kaleak garbitzeko zerbitzu publikoaren kontratua fiskalizatzeko.
Kontuen Ganberako teknikari talde batek sistema informatikoei buruzko auditoretza landu dute, atzo hasi eta gaur amaitu den ikastaro batean. Kontuen Ganberaren egoitzan egin da, IGAEko (Estatuko Kontu-hartzailetza Orokorra) Beatriz Montero eta Vanessa Gonzalezek emana.
Atzo teoria aztertu ondotik, gaurko saioan kontu praktikoak aztertu dituzte.
Irudian, Beatriz Montero eta Vanessa González Kontuen Ganberako barneko patioan..